|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда қаржы пирамидасының жарнамасы үшін қандай жаза қолданылатыны туралы Ішкі істер министрлігі хабарлады.
Мемлекеттік органның ақпаратына сүйенсек, елімізде қаржылық пирамиданың қызметін жарнамалағаны үшін қылмыстық жауапкершілік қарастырылмаған. Алайда айыппұл көлемі 1,7 млн теңгеден асуы мүмкін.
"Қаржылық пирамиданы жарнамалайтын тұлғалар бойынша жеке тұлғаларға 150 АЕК (2021 жылы 437,5 мың теңге), лауазымды тұлғаларға – 170 АЕК (495,9 мың теңге), шағын кәсіпкерлік субъектілеріне немесе коммерциялық емес ұйымдарға – 200 АЕК (583,4 мың теңге), орта бизнеске – 300 АЕК (875,1 мың теңге), ірі бизнеске – 600 АЕК (1,75 млн теңге) мөлшерінде айыппұл салу түрінде әкімшілік жауапкершілік қарастырылған",- деп жауап берді мамандар.
Сонымен қатар, мемлекеттік орган еліміздің танымал тұлғалары жарнамалаған MUDARABAN Capital қаржы пирамидасына қатысты пікір білдірді. Аталмыш іс бойынша ұжымдық өтініштер биыл 27 сәуірде Алматы Полиция департаментіне түскен. Тексеру барысында танымал жандар әлеуметтік желіде қаржы пирамидасын жарнамалау арқылы азаматтар енгізген салымнан ай сайын 20% мөлшерде жоғары пайыздық төлем беруге уәде берген.
«Азаматтардан түскен ақша қаржы ұйымының картасына аударылып, қолма-қол ақшаға айналды және айналымнан шығарылды. Қазіргі кезде MUDARABAN Capital қаржылық пирамидасына қатысты тергеу жұмыстары жалғасып жатыр», - деді министрлік өкілдері.
