|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін өткен үкімет кулуарында журналистер қаржы министрі Ерұлан Жамаубаевтан елорда дүкендерінің бірінде тауардың рубльмен сатылуының қаншалық орынды екенін сұрады, деп хабарлайды Dauletten.kz.
«Елорда дүкендерінің бірінде тауарға рубльмен баға қойылғаны туралы ақпарат бар. Бұл заңды ма? Оны көрдіңіз бе?» - деп сұрады БАҚ қызметкерлері.
Жамаубаев «бұл мәселе арнайы бақыланбайтынын, бірақ тіркелсе бақылауға алынатынын, мұның қателік болуы мүмкін екенін» айтты.
«Біздің ұлттық валютамыз теңге. Баға көрсеткішінің бәрі ұлттық валютамен көрсетілуі тиіс. Егер басқа валютамен көрсетілсе – бұл заңсыз», - деді ол.
Министр мұндай мәселе Ұлттық банктің бақылауында болу керек және патриот ретінде заңды сақтауымыз керектігін жеткізді.
«Сол десек те, бәріміз патриот ретінде заңды сақтауымыз керек. Заң бойынша ұлттық валютамыз – теңге. Егер мұндай факттар болса, біз заңсыз әрекеттің жолын кесеміз. Дүкен қызметкерлерінің де әрекетіне тосқауыл қоямыз», - деді Жамаубаев.
