Жаңалықтар

Еліміздің 20 өңірінде ауа райы күрт бұзылады

09.04.2026

мин

0

106

Сурет: orda.kz

Қазақстанның басым бөлігінде қолайсыз ауа райы күтіледі, — деп хабарлайды Dauletten.kz. 

9 сәуір күні Қазақстанның 17 облысы мен үш ірі қаласында қолайсыз ауа райына байланысты дауылдық ескерту күшіне енді.

Синоптиктердің мәліметінше, бүгін еліміздің батыс және оңтүстік аймақтарында, сондай-ақ Абай облысында күндіз жаңбыр жауып, найзағай ойнайды деп күтіледі.

Түнгі және таңғы уақытта бірқатар өңірде тұман түсіп, жолдағы көріну деңгейі төмендеуі мүмкін. Сонымен қатар желдің жылдамдығы секундына 15–20 метрге дейін жетіп, кей жерлерде екпіні күшейеді.

Маңғыстау, Алматы, Жамбыл, Жетісу, Қарағанды, Қостанай, Қызылорда және Түркістан облыстарының таулы аймақтарында жауын-шашын аралас түрінде түсіп, жаңбыр мен қар жаууы ықтимал. Кей өңірлерде найзағай ойнап, өрт қаупі де жоғары деңгейде сақталады.

Мамандар тұрғындарға ауа райының күрт өзгеруіне байланысты сақтық шараларын күшейтіп, алыс жолға шыққанда абай болуға кеңес береді.