|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елордада бір тәуліктің ішінде төрт бала көпқабатты үйдің терезесінен құлап кетті. Олардың екеуі — 3 және 6 жастағы балалар — алған жарақаттарынан оқиға орнында қаза тапты, - деп хабарлайды Dauletten.kz.
Өткен тәулікте 103 пультіне "бала құлады" деген себеппен төрт түрлі шақыру түскен. Балалар әртүрлі биіктен – 1-ден 16-шы қабатқа дейін құлаған.
10 және 16-қабаттан құлаған балалар алған жарақаттарынан оқиға орнында көз жұмды. Оның біреуі 3 жаста, екіншісі 6 жаста болған.
Тағы екі бала ауыр жарақатпен ауруханаға жеткізілді. Қазір олар жансақтау бөлімінде жатыр. Дәрігерлер олардың жағдайын өте ауыр деп бағалап отыр.
№2 Көпбейінді қалалық балалар ауруханасының дәрігерлері ата-аналарды абай болуға шақырды. Олар мұндай жағдайлар көбіне баланың терезедегі масаға арналған торға сүйенуі салдарынан болатынын айтты.
Дәрігерлер маса торлары қауіпсіздік құралы емес екенін ескертіп, балаларды қараусыз қалдырмауға үндеді. Жыл басынан бері биіктен құлаған 51 бала ауруханаға жеткізілген, төртеуі жарақатынан көз жұмған.
