|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Еліміздің бас қаласында «Мектепке жол» қайырымдылық шарасы басталды, деп хабарлайды Нұр-Сұлтан қаласы әкімдігінің ресми сайты.
«Мектепке жол» қайырымдылық шарасы жыл сайын өткізіліп келеді. Шараның басты мақсаты – әлеуметтік аз қамтылған және көпбалалы отбасылардың, жетім және ата-анасының қамқорлығынсыз қалған балаларға жаңа оқу жылына дайындық кезеңiнде қолдау көрсету.
Елорданың әр ауданында балаларды жаңа оқу жылына қолдау мақсатында білім алуға қажетті құралдар салынған арнайы сөмке беріледі. Сарыарқа ауданы бойынша балаларға 500 дана сөмке үлестірілсе, Алматы ауданында бастауыш сыныптарда білім алатын 450 оқушыға көмек көрсетілмек. Акция аясында Есіл ауданында 350 баланы қамту жоспарланған. Ал Байқоңыр ауданында «Мектепке жол» акциясына қатысуға 50-ден астам кәсіпкер ынта білдірді.
Акция 30 қыркүйекке дейін жалғасады. «Мектепке жол» акциясы бойынша көмек алу үшін «Менің Атамекенім» порталына (www.atamekenim.kz) өтінім жіберу керек. Бұл платформа көмекке мұқтаж адамдар мен қайырымдылық жасаушылар арасында тікелей байланысты қамтамасыз етеді. Өтінімді портал өңдейді, көмек кезек бойынша көрсетіледі. Айта кетейік, «Мектепке жол» акциясы демеушілердің көмегімен жүзеге асырылуда.
Тағы көру
