Жаңалықтар

Енді педагогтер пәндік бағалау тестін тапсырмайтын болды

08.04.2026

мин

2

489

Сурет: Егемен Қазақстан

Оқу-ағарту министрі ұстаздарға қатысты жағымды жаңалықты жариялады. Енді педагогтер пәндік бағалау тестін тапсырмайтын болды, — деп хабарлайды Dauletten.kz.

Оқу-ағарту министрі өзінің жеке әлеуметтік желідегі парақшасында мұғалімдерге қатысты маңызды өзгерісті хабарлады. Оның айтуынша, бұл шешім Мемлекет басшысы Қасым-Жомарт Тоқаевтың тапсырмасымен қабылданған.

- Құрметті ұстаздар, сіздерге арналған сүйінші жаңалықпен бөлісемін! Мемлекет басшысының тапсырмасымен ОЗП аясындағы ұстаздардың пәндік бағалау тесті тоқтатылды. Бұл – педагогтерге көрсетілген үлкен сенім мен жанашырлықтың айқын көрінісі деп есептеймін. Осыған байланысты баршаңызды құттықтаймын! Сәйкесінше, тиісті хат барлық басқармаларға жолданды, – деп айтты өз сөзінде министр.

Осыған дейін пәндік бағалау тесті ұстаздар үшін міндетті талаптардың бірі болып келген еді.

Ал, бұл өзгеріс ұстаздар үшін көптен күткен жеңілдік болды деуге негіз бар. Пәндік бағалау тестінің тоқтатылуы олардың уақытын үнемдеп, негізгі жұмысқа көбірек көңіл бөлуіне мүмкіндік береді. 

Ендігі кезекте бұл бастаманың іс жүзінде қалай жүзеге асатыны және білім сапасына әсері басты назарда болмақ.