|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ерлан Қарин Қазақстанда цензура жоқ деп санайды, - деп хабарлайды Dauletten.kz.
Мемлекеттік кеңесші Qogam News арнасына сұхбат беріп, "қызыл сызық" деген сөзіне түсінік беруге тырысқан.
Ерлан Қариннің айтуынша, ол "қызыл сызық" туралы айтқанда цензураны меңзеген жоқ. Керісінше, ұлтаралық қатынас, тіл және дін тақырыптарында "ұстамды пікірталас" жүргізуге шақырғанын айтты.
— Менің қарсыластарым бірден "Ерлан Қарин цензура туралы айтты" деп айғай салды. Бірақ мен сөздің цензураға қатысы жоқ екенін түсіндірдім. Бұл — ұстамдылыққа шақыру, — деді ол.
Айта кетейік, Ерлан Қарин бұған дейін "Егемен Қазақстан" газетіне мақала жариялап, қоғамды ел ынтымағын бұзбауға шақырған. Сол мақалада ол пікірталас барысында аттап өтуге болмайтын "қызыл сызық" туралы да сөз қозғаған.
Сонымен қатар, мемлекеттік кеңесші отандық фильмдерді сүзгіден өткізу мәселесіне қатысты пікір білдіріп, оны цензура ретінде қарастыруға болмайтынын айтты. Оның сөзінше, бұл шара "зорлық-зомбылықты насихаттауға жол бермеу үшін" қажет.
