|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан сүт одағының мамандары елде сүт өнімдерінің қымбаттау себебін түсіндірді. Ресми мәліметке сәйкес бір жылда баға 15%-ға өскен. Дегенмен сарапшылар шын мәнінде өсім бұдан да көп болуы мүмкін екенін айтты, деп хабарлайды Dauletten.kz КТК арнасына сілтеме жасап.
Сарапшылар сүт өнімдерінің қымбаттауына бірнеше фактор әсер еткен. Соның бірі – маусымдық өсім. Қысқа қарай сиырлар азырақ сүт береді екен. Ал дәрумендер мен жем-шөп қымбаттайды. Ал өңдеушілер сүтті арзан бағада қабылдайтын көрінеді. Шаруаларға субсидия жетпегендіктен, сүт өндіру тиімсіз екен.
"Қазақстан Республикасында көп өнім беретін жануарлар санына қатысты мәселе бар. Себебі жем-шөп қымбат. Шаруаларға да сүтті жануарларды өсіру тиімсіз болып отыр, табыс әкелмейді. Жем бағасы шарықтап кетті. Иелері жануарларды көптеп сойғандықтан мал басы азайып жатыр", – дейді Қазақстан сүт одағының өкілі Дінмұхамед Айсауытов.
Еске салайық, бұған дейін Қазақстанда бір жылда азық-түлік бағасының 23%-ға қымбаттағанын хабарлаған едік. Бағасы айтарлықтай өскен тауарлар қатарында ұн мен қант бар.
