|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Грозный қаласында төрт адамның өмірін қиған автожанармай станциясындағы жарылыстың себебі қауіпсіздік техникасының бұзылуы болуы мүмкін деп хабарлайды Dauletten.kz.
Алдын ала болжамды ТАСС жедел қызметтердегі дереккөзге сілтеме жасап жеткізді. Еске сала кетейік, АЗС-те өрт газовоздан жанармайды резервуарға құю кезінде басталған. Алдымен станция қызметкерлері жалынды өз күштерімен сөндіруге тырысқан, бірақ жарылыс орын алды. Жанып жатқан цистерна жүздеген метрге ұшып, тұрғын үйлерге қарай түскен. Нәтижесінде, төрт адам қаза тапты, олардың арасында екі бала бар. Тағы бес адам зардап шекті. Сонымен қатар, өрт көрші құрылыстарға таралды.
Жарылыс салдарынан жалпы өрттің ауданы 900 шаршы метрге жетті. Тергеу комитеті қылмыстық іс қозғады. Сондай-ақ, бұрын осы заправкада қауіпсіздік техникасының бұзылуы анықталғаны белгілі болды.
