|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Гвинея-Бисау президенті Умару Сисоку Эмбало Қазақстанға ресми сапармен келеді, - деп хабарлайды Dauletten.kz.
Осыған орай Астанада африкалық елдің тулары ілінді. Оларды Мәңгілік Ел даңғылынан көруге болады.
Гвинея-Бисау президентінің Астанаға ресми сапары 18 желтоқсанда өтеді.
Қазан айында Мемлекет басшысы Қасым-Жомарт Тоқаев президент Умару Сисоку Эмбалоны Қазақстан астанасына ресми сапармен келуге шақырған еді.
Сол кезде телефон арқылы сөйлесу барысында президенттер екіжақты ынтымақтастықты кеңейтуге бейілді екенін растап, өзара әрекеттестіктің басым бағыттарын талқылады.
Гвинея-Бисау Республикасы – Батыс Африкада орналасқан мемлекет, бұрынғы португалдық отар, 1973 жылдың 24 қыркүйегінен бері тәуелсіз ел. Материктік бөліктен бөлек, Болама аралы мен Бижагош архипелагын қамтиды. Солтүстігінде Сенегалмен, оңтүстік-шығысында Гвинеямен шектеседі.
Гвинея-Бисауда фосфат, боксит, мұнай кен орындары бар, бірақ олар экспортталмайды. Ел экономикасы ауыл шаруашылығы мен балық аулауға негізделген. Африкалық елде күріш, жүгері, бұршақ және тапиока кеңінен өсіріледі.
