|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда микро және шағын бизнес өкілдеріне салық берешегіне қатысты жеңілдік берілуі мүмкін. Бұл туралы Мемлекеттік кірістер комитеті мәлім етті, - деп хабарлайды Dauletten.kz.
Ведомствоның мәліметіне сәйкес, қазіргі уақытта шағын кәсіпкерлік субъектілерінің мемлекет алдындағы жалпы қарызы шамамен 273 млрд теңгені құрайды. Оның ішінде 170 млрд теңгеден астамы негізгі салық берешегі болып отыр.
Ұсынылған тетік бойынша, егер кәсіпкерлер 31 наурызға дейін негізгі салық қарызын толық өтесе, онда олардың есептелген айыппұлдары мен өсімпұлдары толық есептен шығарылуы мүмкін. Бұл сома шамамен 100 млрд теңгеге жуық.
Мамандардың айтуынша, мұндай қадам микро және шағын бизнестің жаңа Салық кодексінің талаптарына бейімделуіне қолдау көрсету мақсатында қолға алынған.
Жалпы алғанда, Қазақстандағы кәсіпорындардың мемлекет алдындағы салық берешегі 1 триллион теңгеден асып кеткені айтылды.
