|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мемлекеттік кірістер комитеті мобильді аударымдарды қадағалайтын жаңа механизм енгізгенін жариялады, - деп хабарлайды Dauletten.kz.
Бұл жүйе жасырын кәсіпкерлікті анықтау және көлеңкелі ақша айналымын азайту мақсатында жұмыс істейді.
Қарапайым азаматтарға әсері жоқ. Достарыңызға, туыстарыңызға немесе отбасы мүшелеріне ақша аударуыңыз бұрынғыдай еркін жүзеге асады. Жаңа ереже тек кәсіпкерлік мақсаттағы транзакцияларға қатысты.
Бақылауға кім түседі?
- Бір жеке тұлға үш ай бойы әр айда 100-ден артық әртүрлі адамдардан ақша алса, оның шоты тексеріледі;
- Есептеу кезінде тек ақшаны жіберген адамдардың саны есепке алынады, бір адам бірнеше рет аударым жасаса да бір ғана тұлға саналады.
Деректерді жинау тәртібі
- Банктер шартқа сай ақпаратты Мемлекеттік кірістер комитетіне береді;
- Комитет камералдық бақылау жүргізіп, қажет болса азаматқа қажетті түзету туралы хабарлама жолдайды.
Азаматқа не істеу керек?
- Егер жеке кәсіпкер болса – салық есептілігін тапсыру;
- Егер тіркелмеген болса – жеке кәсіпкер ретінде тіркеліп, кірісті декларацияда көрсету және 10% жеке табыс салығын төлеу;
- Егер хабарлама дұрыс емес деп ойласа – азамат түсініктеме беруге құқылы, мысалы, ақша тек достардан немесе туыстардан келген жағдайда.
