|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Көлік министрлігі ақылы автожолдардың жөндеу жұмыстары жүріп жатқан бөліктерінен өткен көлік жүргізушілері жол ақысын төлеуден босатылады, - деп хабарлайды Dauletten.kz.
Министрліктің түсіндіруінше, егер республикалық маңызға ие ақылы автожолдарда көлік қозғалысының қауіпсіздігі мен үздіксіздігіне кері әсер ететін ақаулар анықталса, жол пайдаланушыларынан сол учаскелер үшін төлем алынбайды.
Мұндай өзгеріс төлем алу тәртібін реттейтін ережелерге енгізілетін жаңа түзетулер жобасында көзделген.
Яғни, ақылы автожолдың белгілі бір бөлігі жөндеуді қажет ететін болса, сол аралықтағы жөндеу жұмыстары толық аяқталғанға дейін жүргізушілерден ақы алынбайды.
Мысалы, ақылы жолдың жалпы ұзындығы 100 шақырым болса, оның 5 шақырымы жөндеуде тұрса, жүргізушілер тек жөндеусіз 95 шақырым үшін ғана ақы төлейді.
Аталған өзгерістерді маусым айынан бастап күшіне енгізу жоспарланып отыр.
