|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Көлік жүргізушілерге арналған жаңа цифрлық сервис іске қосылды, - деп хабарлайды Dauletten.kz.
Цифрлық даму, инновациялар және аэроғарыш өнеркәсібі министрі Жаслан Мәдиев көлік жүргізушілеріне арналған жаңа қызметтің іске қосылғанын мәлімдеді.
– Бүгіннен бастап тағы бір цифрлық мүмкіндік іске қосылды. Көлік иелеріне арналған хабарлама жіберу сервисі енді қолжетімді. Егер сіз ашық терезесі қалған немесе жол қозғалысына кедергі келтіріп тұрған көлікті байқасаңыз, оның мемлекеттік нөмірін теріп, жағдайды таңдасаңыз жеткілікті. Көлік иесіне анонимді хабарлама жіберіледі. Бұл сервис өзара көмек пен азаматтық жауапкершіліктің құралына айналады деп сенеміз, – деді министр.
Сонымен қатар Жаслан Мәдиев жүргізуші куәлігін электронды түрде ауыстыру мүмкіндігі бар екенін де еске салды. Бұл қызметті қазірдің өзінде 7 мыңнан астам қазақстандық пайдаланып үлгерген.
