Жаңалықтар

Конституциялық сот: жаңа құқықтық жүйе бойынша Тоқаев қайтадан сайлауға қатыса алады

07.07.2026

мин

0

114

Конституциялық сот: жаңа құқықтық жүйе бойынша Тоқаев қайтадан сайлауға қатыса алады, - деп хабарлайды Dauletten.kz.

Қазақстанның Конституциялық соты президенттің сайлауға қатысуына қатысты Конституцияның бірқатар нормаларына ресми түсіндірме берді. Соттың жариялаған түсіндірмесіне сәйкес, жаңа құқықтық жүйе аясында қазіргі Президент Қасым-Жомарт Тоқаевтың болашақта президент сайлауына қайта қатысуына құқықтық мүмкіндік туындайды.

Конституциялық соттың мәліметінше, 1995 жылғы Конституция негізінде мемлекеттік лауазымдарды атқарып отырған тұлғалар 2026 жылғы Конституция күшіне енгеннен кейін сол лауазымдарға қайта сайлана немесе тағайындала алады.

Сот сондай-ақ маңызды құқықтық түсіндірме берді. Онда конституциялық нормаларда белгіленген шектеулерді қолдану кезінде 2026 жылғы Конституция күшіне енгеннен кейін белгілі бір лауазымға сайлану немесе тағайындалу сол қызметке алғаш рет сайлану немесе тағайындалу ретінде есептелетіні көрсетілген.

Бұл түсіндірме президенттік лауазымға да қатысты болғандықтан, құқықтық тұрғыдан Қасым-Жомарт Тоқаевтың жаңа Конституция күшіне енгеннен кейін өтетін президент сайлауына қатысуына мүмкіндік беретін норма ретінде бағалануда.

Әзірге Конституциялық соттың бұл шешімі құқықтық түсіндірме ретінде жарияланды. Президенттің алдағы сайлауға нақты қатысатыны немесе кандидатурасын ұсынатыны жөнінде ресми мәлімдеме жасалған жоқ.