|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
«Рухани жаңғыру» жобалық кеңсесі «Business Woman KZ» ҚБ бірлесіп «Business lady және көпбалалы аналар келіссөздер үстелінде» тақырыбында дөңгелек үстел жиынын өткізді, деп хабарлайды Нұр-Сұлтан қаласы әкімдігінің ресми сайты.
Business Woman KZ ҚБ басқарма төрағасы Сәуле Қайсардың айтуынша, жыл соңына дейін елордада 100-ден аса көпбалалы ананы оқыту жоспарланған.
«Әйелдер кәсіпкерлігін қолдайтын және дамытатын ең ірі ұйымбыз. Бес жыл бойы Қазақстан бойынша әйелдерге арналған түрлі іс-шараларды: бизнес-нысандар, шеберлік сыныптарын өткізіп келеміз. Қазір көпбалалы аналарды қолдау мақсатында іс-шара өткізуді шештік. Өз тәжірибемізбен бөлісіп, кәсіпкерлерімізден ынтымақтастық, жұмыс орындарын ұсынғымыз келеді. Сондай-ақ, құқықтық сауаттылықты дамыту, коуч-жаттықтырушылармен бизнес жүргізу негіздері бойынша мастер-класстар өткізуді жоспарлап отырмыз», – деп түсіндірді ол.
Іс-шарада кәсіпкер әйелдер бизнес-жобаларды жүргізу тәжірибесімен бөлісіп, бизнесті жүргізудегі қиындықтар мен жетістіктері туралы әңгімеледі. Көпбалалы аналар шешендік өнер, бизнес-жоспарлау және менеджмент курстарын өткізуді сұрады.
«Мен тоғыз баланы тәрбиелеп отырмын, олардың бірі – ерекше қажеттілігі бар бала. Осындай іс-шара өтіп жатқанына қуанып отырмын. Біз 2019 жылы әкімдікке жұмысқа орналасу туралы өтініш білдірдік. Қала әкімдігі мен Алтай Сейдірұлының бастамасы нәтижесінде «Алтын шаңырақ ұясы» ҚҚ-да жұмысқа орналастым, қазір жұмыс істеп жатқаныма бір жыл болды. Болашақта өз ісімді ашқым келеді. Бұл тұрғыда сіздердің қолдауларыңызға үміт артып отырмыз. Сондай-ақ шешендік өнер мен менеджментті оқып үйренсем жақсы болар еді», – дейді көпбалалы ана Алида Отарбаева.
Тағы көру
