|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2024 жылдың басынан бері көпбалалы отбасыларға мемлекеттік жәрдемақы 431,9 миллиард теңге сомасында төленді, бұл 577,2 мың отбасыны қамтыды. Қараша айында 591,2 мың отбасыға 42,2 миллиард теңге көлемінде жәрдемақы төленді, - деп хабарлайды Dauletten.kz.
Бұл жәрдемақы 4 және одан да көп баласы бар отбасыларға беріледі, сонымен қатар кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан осы жәрдемақыны ала алады.
Жәрдемақы мөлшері бала санына қарай келесідей есептеледі:
• 4 балаға – 16,03 АЕК немесе 59 183 теңге;
• 5 балаға – 20,04 АЕК немесе 73 988 теңге;
• 6 балаға – 24,05 АЕК немесе 88 793 теңге;
• 7 балаға – 28,06 АЕК немесе 103 598 теңге;
• 8 және одан да көп баласы бар отбасыларға – әр балаға 4 АЕК немесе 14 768 теңге.
2024 жылдың 1 қаңтарынан бастап жәрдемақылардың мөлшері 7%-ға артты. Биылғы жылы көпбалалы отбасыларға мемлекеттік жәрдемақы төлеуге 472,9 миллиард теңге бөлінген.
