Жаңалықтар

Көпбалалы отбасыларға сатып алу құқығынсыз жалға берілетін баспанаға құжат қабылдау басталды

27.06.2021

1 мин

104

13070

Көпбалалы отбасыларға сатып алу құқығынсыз жалға берілетін баспанаға құжат қабылдау басталды, деп хабарлайды Dauletten.kz Нұр-Сұлтан қаласы әкімдігінің «Тұрғын үй қоры» орталығына сілтеме жасап.

Бұл бағдарламаға «Көп балалы отбасылар» санаты бойынша тұрғын үйге кезекте тұрған көпбалалы отбасылар (тек атаулы санат) қатыса алады.

Пәтерлердің жалпы саны - 285, екі бөлмелі пәтерлер (53,4-57,7 ш.м.)

Тұрғын үй түрі: Сатып алу құқығынсыз жалға берілетін тұрғын үй;

Орналасқан жері: Қордай көшесі, 79 ,79а және Абылай хана, 56, 56а көшесі;

Қабылдау күні: 2021 жылғы 27 маусым 00:00-ден 2021 жылғы 27 шілде сағат 23:59-ге дейін. Құжаттарды қабылдау тек электронды түрде көрсетілген кезеңде qatysu.zhilfond.kz порталы арқылы жүзеге асырылады.

Өтініш беру үшін керек құжаттар тізімі:

1) ЭЦҚ кілті;

2) Отбасының барлық мүшелеріне ҚР бойынша жылжымайтын мүліктің болмауы немесе болуы туралы анықтаманың сканерленген нұсқасы;

3) Балалардың туу туралы куәліктерінің/отбасы мүшелерінің жеке куәлігі (болған жағдайда) сканерленген нұсқасы;

4) Неке қию /некені бұзу туралы куәліктің /№4 нысан /қайтыс болу туралы куәлік (болған жағдайда) сканерленген нұсқасы;

5) Жылжымайтын мүліктің құқық белгілейтін құжаттарының (болған жағдайда) сканерленген нұсқасы;

6) Мүгедектік туралы анықтаманың (болған жағдайда) сканерленген нұсқасы;

7) Созылмалы аурудың толық атауы, жеке бөлмеге мұқтаждығы және белгілі бір қабаты көрсетілген созылмалы аурудың медициналық қорытындысының (болған жағдайда) сканерленген нұсқасы.

Өтініштерді қарастыру нәтижелері туралы кейінірек zhilfond.kz және zhil-astana.kz сайттарында және тұрғын үй орталығының әлеуметтік желілерінде жарияланады.