|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қостанайлық БАҚ патрульдік полиция мен Lexus жүргізушісі арасындағы жанжалдың видеосын жариялады, - деп хабарлайды Dauletten.kz.
Кадрларда бұрын құқық қорғау органдарында қызмет еткен Lexus жүргізушісі тоқтатуға құқығы жоқ деп қарсылық білдіріп, полиция қызметкерлеріне қысым көрсеткен.
- Нөмірді есте сақтаңдар, үйреніңдер! Жұмысқа жаңа кіргенсің бе? – деп патруль қызметкеріне дөрекі сөйлейді.
Жергілікті полиция департаментінің мәліметінше, қызметтік тексеру нәтижесінде оқиғаға қатысқан екі полицей де жұмыстан босатылған.
Бұл жағдай қоғамда үлкен резонанс тудырып, желі қолданушылары полиция қызметкерлерін қолдап, олардың әділдікке ұмтылғаны үшін жазаланғанын атап өтті.
Белгілі болғандай, жол талғамайтын көліктің жүргізушісі – ҚР ІІМ Қостанай академиясының магистратура тыңдаушысы.
- Жүргізушіні жұмыстан босатуға дейінгі қатаң жауапкершілікке тарту мәселесі тексеру қорытындысы бойынша қаралады, – деп мәлімдеді полиция.
