|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
LRT-ның 29 қызметкері 3 наурызда Астанада басталған алғашқы оқыту модулін сәтті аяқтады, - деп хабарлайды Dauletten.kz.
Бірінші кезеңде қатысушылар теориялық білім алып, тестілеуден сәтті өтті. Қазіргі уақытта олар екінші модульді оқуға кірісті, одан кейін Қытайға барып, практикалық сабақтар мен тағылымдамадан өтеді.
2025 жылғы 1 қыркүйекке дейін есептелген оқыту бағдарламасы Астана қ. (Қазақстан) және Тяньцзинь қ. (ҚХР) іске асырылады. Оның мақсаты – LRT жүйелерін пайдалану, техникалық қызмет көрсету және жөндеу бойынша мамандар даярлау. Сабақтарды Тяньцзинь метрополитені мен Чжэнчжоу теміржол кәсіптік-техникалық университетінің сарапшылары жүргізеді.
2024 жылғы қарашадан 2025 жылғы қаңтарға дейін бағдарламаға қатысуға 140 өтінім берілді, оның ішінде 29 үміткер іріктелді.
Олардың қатарында Астана қаласының 15 тұрғыны, сондай-ақ Алматы, Тараз, Есіл, Павлодар, Көкшетау, Арқалық, Қарағанды, Екібастұз, Қызылорда және Абай өңірінің өкілдері бар. Білім алушылардың орташа жасы 33 жасты құрайды.
Бағдарлама қалалық теміржол көлігінің негіздерін, оның жүйелерінің негізгі компоненттерін және төтенше жағдайлар кезіндегі әрекет алгоритмдерін оқып-үйренуді қамтиды.
Оқыту LRT құрылысын жүзеге асыруға арналған EPC келісімшарты шеңберінде жүргізіледі және оны мердігер "China Railway Asia-Europe Construction Investment" компаниясы жүзеге асырады.
