|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Маңғыстау облысында бір топ жұмыссыз ер адам биліктен жұмыс талап етіп, наразылыққа шықты. Олар жергілікті басшылар мен үкімет өкілдерін сыбайлас жемқорлыққа қатысы бар деп айыптады, - деп хабарлайды Dauletten.kz.
- Бүгін 30 қаңтар, таңғы 6:30. Әлі күнге дейін билік өкілдерінен ешкім келіп, жағдайымызды сұраған жоқ. Біз – жұмыссыздар, шамамен 300-дей адам жиналдық, әлі де қосылатындар бар. Біраз уақыттан бері осылай сенделіп жүрміз. Жұмыссыз отырған халыққа көмек көрсету үшін биліктен ешкім шықпады. Мен Қаражанбаста жүргізуші болып жұмыс істеймін. Сол жердегі жағдайды қысқаша түсіндірсем – 13 жыл бойы кәсіпорынды тонаған адамдар әлі де басшылықта отыр. Егер сен біреудің жерлесі болмасаң немесе жоғарыда танысың болмаса, қызметте өсу де, жұмысқа орналасу да мүмкін емес. Сондықтан осылай көшеге шығып, талабымызды айтуға мәжбүрміз. Егер билік халықтың үнін естіп, басшылықтың жіберген қателіктерін тексеріп, мәселені шешуге атсалысса, жағдай басқа болар еді. Бірақ, өкінішке қарай, бұл орындалмай отыр. Біздің бір ғана күдігіміз бар – шенеуніктер сыбайлас жемқорлыққа қатысы бар адамдарды жұмысқа орналастырып, соларға ғана жағдай жасап отыр, – дейді наразылық білдірушілердің бірі желіде тараған видеода.
Кадрлардан алаңға жиналған көпшілікті көруге болады. Ер адамның сөзінен кейін жиылған жұрт “Талап етеміз!” деп ұрандатты.
- Біз бұған көз жұмып қарай алмаймыз, талап қоюымыз керек. Дұңға кәсіпорны бойынша облыс әкімі Нұрдәулет Қилыбай мен “ҚазМұнайГаз” басқарма төрағасының орынбасары Есқазиев арасында меморандумға қол қойылған. Алайда әлі күнге дейін жұмысқа жергілікті тұрғындар емес, басқа өңірлерден адамдар алынып жатыр. Мысалы, Дұңғада негізінен атыраулық кәсіпорындар жұмыс істейді. Біз өзімізді жұмысқа орналастыруды талап етеміз. Иә, атыраулықтар да жұмыс істесін, бірақ жергілікті халықтың да мәселесіне назар аударсын, – деп мәлімдеді наразылардың бірі.
Маңғыстау облысының әкімдігі бұл жағдайға қатысты әзірге ресми мәлімдеме жасаған жоқ.
