|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Президент Қасым-Жомарт Тоқаев New Silk Way VII Халықаралық көлік-логистика бизнес-форумының ашылуына орай құттықтау сөз сөйлеп "Достық – Мойынты" теміржолының екінші желісінің ресми іске қосылғанын атап өтті, - деп хабарлайды Dauletten.kz.
Мемлекет басшысы аталған инфрақұрылым жобасының стратегиялық маңызына тоқталып, оның еліміздің көлік-логистика жүйесін жаңа деңгейге көтеретінін айтты.
– "Достық – Мойынты" жолы – аса маңызды инфрақұрылым жобасы. Ол Қазақстанның транзиттік әлеуетін арттырып, халықаралық байланыстарды нығайтады. Тарихқа көз жүгіртсек, 35 жыл бұрын "Достық – Алашаңқай" теміржолы іске қосылды. Сол жолды салған ардагерлер бүгінгі жиынға қатысып отыр. Баршаңызға зор алғысымды білдіремін, – деді Президент.
Тоқаев Қазақстанның көлік-логистика саласы экономиканың қозғаушы күші әрі халықаралық ынтымақтастықты дамытудың негізгі тетігі екенін атап өтті. Ол сондай-ақ Қытаймен арадағы стратегиялық әріптестіктің тарихи және заманауи маңызын ерекше атап өтіп, "Бір белдеу, бір жол" бастамасының Қазақстан үшін толықтай сәйкес келетінін жеткізді.
– Қытай – біздің мәңгі тату көршіміз әрі сенімді одақтасымыз. Екі халық арасындағы достық пен өзара сенімге негізделген қарым-қатынас барлық салада нығайып келеді. "Достық – Мойынты" теміржолының екінші желісі – осы ынтымақтастықтың айқын дәлелі, – деді Мемлекет басшысы.
