|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін Kazenergy қауымдастығының басшылығында кадрлық өзгерістерге байланысты кезектен тыс жиналыс өтіп, оның барысында жаңа төраға бекітілді. Жиынға қауымдастыққа мүше компаниялардың басшылары қатысты, ал Болат Ақшолақовтың кандидатурасын барлық қатысушылар бірауыздан қолдады, - деп хабарлайды Dauletten.kz.
Кеше мемлекет басшысының кеңесшісі болып тағайындалған Мағзұм Мырзағалиев өз өкілеттігінің тоқтатылғанын мәлімдеп, төрағалыққа Болат Ақшолақовты ұсынды.
- Болат Оралұлы ірі ұлттық компаниялар – “ҚазМұнайГаз”, “Қазатомөнеркәсіп”, “Самұрық-Қазына” басшылығында мол тәжірибе жинақтаған. Сонымен қатар энергетика министрі және мемлекет басшысының кеңесшісі қызметтерін атқарды. Бұған қоса, ол бұған дейін екі рет біздің қауымдастықтың бас директоры болған, оның есімі кәсіби ортада кеңінен танымал, – деді Мағзұм Мырзағалиев.
Жиын барысында қатысушылар Мағзұм Мырзағалиевке елдің энергетика саласын дамытуға қосқан елеулі үлесі үшін алғыс білдірді.
