|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мемлекеттік қолдауды отандық тауар өндірушілер ғана алатын болады, - деп хабарлайды Dauletten.kz.
Қабылданған заңға сәйкес, қазақстандық өндіруші ретінде тану үшін кәсіпорындар белгіленген талаптарды сақтауы тиіс. Әрбір өнім бойынша міндетті технологиялық операциялардың 3300-ден астам тізбесі әзірленді. Бүгінгі таңда технологиялық операциялар сипаттамасы бар 2400-ден астам өнім тобы анықталды. Егер кәсіпорын белгілі бір өнім бойынша қажетті операцияларды орындаса, ол отандық өндіруші мәртебесін алады.
Тізілімге тегін енгізуді қарастыру көзделген. Процесс бірнеше кезеңде жүзеге асырылады: өтінім беру → цифрлық тексеру → өндірісті бағалау → енгізу немесе бас тарту туралы шешім. Содан кейін кәсіпорын үш ай сайын мониторингтен өтеді. Өндіріс тоқтатылған немесе сәйкессіздіктер анықталған жағдайда оны тізілімнен шығару мәселесі қаралады. Келіспеушілік туындаған жағдайда өндіруші апелляциялық комиссияға шағымдана алады. Шағымды "Атамекен" Ұлттық кәсіпкерлер палатасы мен салалық қауымдастықтардың өкілдерімен бірге қарайды.
Нағыз отандық тауар өндірушілер мемлекет тарапынан субсидиялар, экспорт шығындарының бір бөлігін өтеу, шетелдік көрмелерге қатысу, көлік шығындарының бір бөлігін жабу және басқа да қолдауға ие болады. Сонымен бірге енді ұлттық режимнен босатылған тауарларды сатып алу кезінде конкурс тек осы тізілімге енгізілген кәсіпорындар арасында өткізіледі. Яғни, тендер жеңімпаздары отандық тауар өндірушілердің өнімдерін сатып алуға міндетті болады.
