|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Дүниежүзілік денсаулық сақтау ұйымының (ДДСҰ) басшысы Тедрос Гебрейесус метапневмовирус жайлы пікірін білдірді, - деп хабарлайды Dauletten.kz.
Венгрияның сыртқы істер және сыртқы экономикалық байланыстар министрі Петер Сийярто бұл пікірді жеткізді. Ол Тедрос Гебрейесуспен телефон арқылы сөйлескенін айтты.
- Мен Дүниежүзілік денсаулық сақтау ұйымының бас директоры әрі жақын досым Тедрос Гебрейесуспен телефон арқылы кеңес өткіздім. (…) Тедрос соңғы күндері тараған қорқынышты жаңалықтарға байланысты мені сабырға шақырып, қазіргі уақытта денсаулық сақтау саласында жаһандық төтенше жағдай қаупі жоқ екенін айтты. БАҚ-та талқыланып жатқан вирус ДДСҰ сарапшыларына жақсы таныс, және ол көбінесе қыс мезгілінде бірнеше рет кездеседі, – деп жазды Петер Сийярто Facebook желісінде.
Метапневмовирус туралы мәлімет
Адамның метапневмовирусы (HMPV) – тыныс алу жолдарын зақымдап, өкпенің жоғарғы және төменгі бөліктерінің қабынуына әкелетін вирус. Бұл вирус алғаш рет 2001 жылы Нидерландыда анықталған. Дегенмен, кейбір деректерге сәйкес, ол адамдар арасында 1950-жылдардан бері айналымда болуы мүмкін.
