|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Моңғолияда Қазақстанға қатысты құнды фото және киноқұжаттар табылды, - деп хабарлайды Dauletten.kz.
Бұл туралы Қазақстан Республикасының Мәдениет және ақпарат министрлігінің баспасөз қызметі мәлімдеді.
Қазақстанның тарихы мен мәдениетіне қатысты жаңа тарихи құжаттар Моңғолиядан табылды. Бұл ерекше жаңалық ҚР Орталық мемлекеттік кинофотоқұжаттар мен дыбыс жазбалар архивінің ғылыми-зерттеу жұмыстарының нәтижесі ретінде шықты. Архив қызметкерлері Моңғолияның Ұлан-Батыр қаласында болып, маңызды құжаттарды жинақтау мақсатында шет ел архивтерін зерттеу жұмысын жүргізген.
Іссапар барысында Моңғолия Ұлттық архивінен Қазақстанға қатысты көптеген тарихи фото және киноқұжаттар табылды. Ғалымдар мен зерттеушілердің айтуынша, жалпы алғанда 90 фотоқұжат және 92 минуттық киноқұжаттың көшірмесі алынды. Бұл құжаттар Қазақстан мен Моңғолия арасындағы тарихи байланысты тереңдетуге ықпал етеді.
Киноқұжаттар арасында Баян-Өлгей аймағының он және жиырма жылдық мерейтойларына арналған бейнемазмұндар мен қазақстандық делегацияның жергілікті қазақтардың өмірімен танысу сәттері көрсетілген. Сондай-ақ фотоқұжаттарда Баян-Өлгей аймағындағы қазақ халқының тұрмысы мен мәдениеті, жергілікті театр әртістерінің қойылымдары, Моңғолияға жасаған Қазақстан өкілдерінің сапарлары мен кездесулері бейнеленген.
Бұл материалдар тарихымыздың көптеген беттерін жаңғыртып, болашақ зерттеулер үшін маңызды дереккөз болып табылады. Жалпы бұл жаңалық "Архив – 2025" кешенді жоспары аясында жүргізілген үлкен жұмыс пен халықаралық архивтермен ынтымақтастықтың нәтижесі.
