|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде наурыз айында бірқатар өзгерістер болады. Қазақстандықтар бұл айда 19 күн жұмыс істесе, 12 күн демалады. Наурыз мейрамына орай, бес демалыс күні жоспарланған. Сонымен қатар, карантин талаптарына байланысты жаңа қаулы қабылданып, бірқатар өзгерістер енгізілді. Олай болса, осы айға жоспарланған шараларды назарларыңызға ұсынамыз.
Бүгіннен бастап жалпы білім беретін мектептерде 1-ден 5-сыныпқа дейін және халықаралық мектептерде 1-ден 7-сыныпқа дейін қоса алғанда аралас оқыту форматына ауысады.
Ал жоғары сынып оқушылары, яғни 9,11,12-сыныптарды аралас оқытуға рұқсат етіледі. Сабақтардың 70%-і штаттық режимде болса, 30%-і қашықтан өткізіледі. Бір сыныптағы оқушылар саны 15 адамнан аспауы және санитарлық талаптар қатаң сақталуы керек.
Колледждер мен жоғары оқу орындарының I курс студенттері үшін екінші семестрден бастап штаттық оқуға рұқсат беріледі.
Елімізде бүгіннен бастап азаматтарды әскерге шақыру басталады. Әскер қатарына шақыру "1414" арқылы SMS хабарлама бойынша іске асады.
Ақпан айында медицина қызметкерлеріне вакцина салынса, наурыз айында екпе мұғалімдер мен құқық қорғау органдарының қызметкерлеріне салыну жоспарланған. Сонымен қатар, 65 жастан асқан қазақстандықтарға да екпе салу рұқсат етілген.
Наурыз айынан бастап әлеуметтік маңызы бар бағыттарға пойыз билеттері 7%-ке қымбаттайды. Бұл бағытта қатынайтын 32 теміржол билеттерінің бағасын көтеру жоспарланған.
Ал әуе рейстерінде қосымша бағыттар ашылды. Олар елімізден Түркия, Өзбекстан, Қырғызстан және Украинаға қатынайды.
Қазақстан Түркістаннан Ыстамбұлға халықаралық рейстер ашады. Қазақстандық әуе компаниялары ("Эйр Астана" және SCAT) бұл бағытта аптасына төрт рейс орындайды.
Сондай-ақ Өзбекстан, Қырғызстан және Украинаға мына бағыттар бойынша рейстер саны ұлғайтылады:
Сонымен қатар, наурыз айына жоспарланған шаралар ішінде жаңа тұрғын үй бағдарламалары қосылуы мүмкін. "Отбасы банк" АҚ орталық филиалының директоры Жансұлтан Матаев қазіргі кезде жастарды қолдауға арналған «Елорда жастары» бағдарламасы наурыз айында басталатынын айтты. Бағдарлама талабы бойынша бастапқы жарна мөлшері 10%-ті құрайды. Азаматтар 13 млн теңгеге дейін баспана ала алады. Және де «Әйелдер ипотекасы» бағдарламасы да наурыз айына жоспарланған.
Тағы көру
