|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мемлекет басшысы Қасым-Жомарт Тоқаев шілде айының алғашқы жексенбісінде атап өтілетін Ұлттық домбыра күніне орай x (бұрынғы Twitter) парақшасында қазақстандықтарды құттықтады, - деп хабарлайды Dauletten.kz.
- Домбыра – ұлт болмысы, халық қазынасы. "Қазақ – нағыз қазақ емес, нағыз қазақ – домбыра". Әсіресе, өскелең ұрпақтың домбыраға деген ықыласы ерекше. Жастар төл мәдениетімізді терең түсініп, салт-дәстүрімізге құрметпен қарайды. Бұл – өте жақсы үрдіс. Өйткені ата-бабаларымыздың мәдени мұрасын көздің қарашығындай сақтау – нағыз отаншылдықтың көрінісі. Отанға сүйіспеншілік – мемлекеттілігіміздің темірқазығы, – деді Президент.
Қасым-Жомарт Тоқаев дәстүрлі өнердің өкілдеріне мемлекеттік марапаттар табысталғанын атап өтті. Атап айтқанда, Қайрат Байбосыновқа "Қазақстанның Еңбек Ері" атағы, Айгүл Үлкенбаева мен Айгүл Қосановаға "Қазақстанның халық әртісі" атағы берілген.
Президент қасиетті қара домбыраны әлемге танытып жүрген өнер иелеріне алғысын білдіріп, мемлекеттің руханият саласын дамытуға басымдық беретінін жеткізді.
