Президенттің туризмге қатысты берген қандай тапсырмалары орындалды?
12.07.2023
1 мин
0
375
Фото: inbusiness.kz
Мәдениет және спорт министрлігі Президенттің VIII сайланған Парламент бірінші сессиясының ашылуында берген тапсырмаларын орындағаны жөнінде есеп берді, деп хабарлайды Dauletten.kz.
АЙТЫЛДЫ:
«Үкімет және Парламент туризмді дамыту мәселесіне баса назар аударуға тиіс. Кәсіпкерлер туризмнің болашағы зор екенін көруі керек. Сол үшін қажетті жағдайды жасаған жөн».
ОРЫНДАЛДЫ:
Қазақстанда туризм саласындағы кәсіпкерлерді мемлекеттік қолдаудың 7 тетігі іске қосылды.
Шетелдік әрбір турист үшін туроператорлардың шығындары субсидияланады.
Kids go free бағдарламасы бойынша отбасылық демалыс пакетінде балаларға ел ішінде ұшақ билетін сатып алу шығыны субсидияланады.
Кәсіпкерлердің тау шаңғысы жабдықтарын, туристік көлік құралдарын сатып алу шығындары 25%-ға дейін өтеледі
Жол бойындағы сервис және туристік нысандарды салу немесе реконструкциялау шығындарының 10%-ы субсидияланады.
Санитарлық-гигиеналық тораптарды ұстау шығындары өтеледі. Оның сомасы айына 83 300 теңгені құрайды.
