|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жұмыс уақытында коронавирусқа шалдыққан 598 дәрігерге 2 млн теңге өтемақы төленді. Бұл туралы денсаулық сақтау министрлігінің ресми өкілі Бағдат Қожахметов айтты.
«Медицина мамандарының жағдайы басты назарда. Мемлекет басшысының тапсырмасы аясында дәрігерлердің атқарған еңбегіне қарай бір реттік төлем және айлыққа қосымша үстемақы төленіп жатыр. Өткен айда 25 млрд теңгеге жуық өтемақы берілді. Аталмыш қолдауды 78 364 дәрігер алды. 17 тамыздағы мәлімет бойынша жұмыс барысында вирус жұқтырған 598 маманға 2 млн теңгеден өтемақы берілді», - деді ол.
Бағдат Қожахметовтің айтуынша, қазіргі уақытта еліміздің барлық аймағы бойынша арнайы құрылған комиссия өтініштерді қарастырып жатыр.
Сондай-ақ, денсаулық сақтау министрлігі жұмыс істейтін азаматтар коронавирусқа қарсы вакцинаны өздері төлеу керектігін айтты. Елімізде тегін екпені 65 жастан асқан және созылмалы аурулармен ауыратын жандар, жалпы қауіп тобына кіретін 2 миллиондай адам алады.
