|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қарағандыда ТЖМ қызметкерлері 7 жастағы қызды құтқарып қалды, – деп хабарлайды Dauletten.kz.
Қарағандыда Мұқанов көшесінде орналасқан көпқабатты тұрғын үйдің бесінші қабатында көршілердің бірі ашық терезенің алдына отырған баланы байқап, дереу 112 нөміріне хабарлаған.
Оқиға орнына жедел жеткен құтқарушылар баланың өміріне қауіп төнгенін көріп, бірден әрекетке көшті. ТЖМ қызметкерлері екі топқа бөлініп құтқаруға кірісті. Бір топ терезе жаққа автосатыны орнатса, екінші топ подъезд арқылы пәтерге кірді. Осы сәтте үрейленген анасы келіп, пәтердің есігін кілтпен ашты.
Құтқарушы пәтерге кіріп, кішкентай қызды терезе алдының жақтауынан алып, оны анасына аман-есен тапсырды. Бала зардап шеккен жоқ.
Құтқарушылардың жедел әрекеттерінің арқасында жазатайым оқиғаның алдын алуға мүмкіндік туды.
ТЖМ ата-аналарды балаларды қараусыз қалдырмауға және оларға қауіпсіздік ережелерін үнемі түсіндіріп отыруға шақырады.
