|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қашаған газ өңдеу зауытының құрылысына қатысты түйткілдер шешімін тауып, 75 пайыздық үлесті катарлық компанияға беру жөніндегі келіссөздер сәтті аяқталды, - деп хабарлайды Dauletten.kz.
Аталған жаңалықты “QazaqGaz” ұлттық компаниясының басқарма төрағасы Санжар Жаркешов растады.
- Қашаған газ өңдеу зауытына қатысты белгілі бір қиындықтар болды. Ол туралы бұған дейін де хабардар болған шығарсыздар. Құрылыс жұмыстары баяу жүріп жатқан еді. Алайда жаңа бас мердігер келгеннен кейін бұл мәселелер толық шешілді, – деді Жаркешов.
Оның сөзіне қарағанда, қуаттылығы 1 миллион текше метр болатын Қашаған зауытының құрылысы қазір қарқынды түрде жүргізілуде.
- Сонымен бірге жобаны белгіленген мерзімде іске асыруға міндеттелген Катар компаниясына 75 пайыздық үлесті сату туралы келіссөздер де тәмамдалды. Қазіргі таңда жұмыстар кеңейтіліп, жобаны уақытында аяқтау көзделіп отыр, – деді ол.
