Қасым-Жомарт Тоқаев қазақстандықтарды қасиетті Рамазан айының басталуымен құттықтады
19.02.2026
мин
0
69
Сурет: BAQ.kz
Қасым-Жомарт Тоқаев Рамазан айымен құттықтап, рухани жаңғырудың маңызын атап өтті, - деп хабарлайды Dauletten.kz.
Мемлекет басшысы өз құттықтауында Рамазан айының рухани мәніне тоқталып, бұл кезеңнің адамзатты ізгілікке, мейірім мен жанашырлыққа үндейтінін атап өтті. Оның айтуынша, Рамазан – дүние жүзіндегі миллиардтаған мұсылман үшін рухани тазару мен сабырды, қамқорлық пен қайырымдылықты дәріптейтін ерекше уақыт.
- Біз дәстүрлі рухани-мәдени құндылықтарымызды қастерлей отырып, Құқық пен Заң үстемдігі, Тәртіп пен Тазалық, Әділдік пен Отаншылдық сияқты мызғымас қағидаттарды терең түсінетін әрі мүлтіксіз сақтайтын ұлттың жаңа болмысын қалыптастырып жатырмыз. Мұның бәрі қасиетті Рамазан айының мәңгілік ұлағатымен толық үндеседі. Білімге, тазалыққа және жақсылыққа бастайтын өркениетті қоғамда Рамазан айы жаңа рухани мәнге ие болып, барша жұртқа шапағатын тигізетіні сөзсіз. Қасиетті Рамазан құтты болсын, мұсылман жамағаты!” - деді Президент.
