|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
18 желтоқсанда "Қазақмыс корпорациясы" ЖШС басқарма төрағасы Нұрахмет Нұриев Жезқазған алаңы кеніштерінің бригадирлерімен кездесу өткізді. Кездесу барысында жұмысшылардың жалақысын көтеру және басқа да талаптар талқыланды, - деп хабарлайды Dauletten.kz.
Компания "13-ші жалақы" сыйақысының 30%-ын қосымша есептеуге келіскенмен, жалақыны ұлғайту мәселесі әлі шешімін тапқан жоқ. Қазіргі уақытта келіссөздер жалғасуда.
Компания 2025 жылдың 1 қаңтарынан бастап жалақыны көтерудің екі нұсқасын ұсынды.
Бірінші нұсқа бойынша, өндірістік жоспарды орындағаны үшін 8,5% индексация жасап, қосымша 50 АЕК мөлшерінде төрт тоқсандық сыйақы бөлу қарастырылған. Бұл сыйақы 2025 жылы әр тоқсан сайын 196 мың теңге болмақ.
Екінші нұсқа бойынша жалақыны 15,6% индексациялау ұсынылған.
Алайда, компания басшылығы жалақының күрт өсуінің компанияның бәсекеге қабілеттілігіне кері әсер етуі мүмкін екенін және бұл кейбір кеніштердің жабылуына, жұмыс орындарының қысқаруына әкеліп соғуы мүмкін екенін айтып, алаңдаушылық білдірді.
Компания өз ұсыныстарын түсіндіру үшін кеншілермен қосымша кездесулер ұйымдастырып, барлық жұмысшыларды ыстық тамақпен қамтамасыз етті.
Сондай-ақ, келіссөздер барысында жұмысшылардың талаптары мен компанияның позициясы қайта қаралып, әлі де ортақ келісімге келу мақсатында жұмыс істеліп жатыр.
