|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан кино өндірісіне миллиард теңге жұмсағанымен, бұл фильмдер прокатқа шыққан жоқ, - деп хабарлайды Dauletten.kz.
“Таңдау” фильмі
Алматы қаласының прокуратурасы 2019-2023 жылдар аралығында ұлттық киноны қолдауға бөлінген бюджет қаражатының игерілуін тексерді. Осылайша, ұлттық фильмдерді тиімсіз қаржыландыру фактілері анықталды.
2019-2021 жылдары “Таңдау” фильмі өндірістің барлық кезеңдерінде толық көлемде қаржыландырылып, оған 500 миллион теңге бөлінген. Бұл ақша фильмнің өндірісіне, прокатқа, көрсетілімге жұмсалған. Бірақ, толық мемлекеттік қолдауға қарамастан, аталған фильм прокатқа шықпаған және прокат куәлігін алмаған.
“Қаздар” фильмі
Сол сияқты, 421 миллион теңге бөлінген “Қаздар” фильмі де прокатқа шықпаған. Осылайша, мемлекет фильм прокаты мен көрсетілімінен түсетін 20% кіріс үлесінен айрылды, бұл заңнамада қарастырылған.
Фильмдерді мониторингтеу жүйесінің болмауы
Прокуратураның мәлімдеуінше, 2019 жылдан бастап барлық кинотеатрларда кино көрсетілімдері мен сатылған билеттер статистикасын, сондай-ақ фильм бюджеттерін бақылауға мүмкіндік беретін бірыңғай автоматтандырылған ақпараттық мониторинг жүйесі енгізілмеген.
Актерлер мен режиссерлерден тұратын сарапшылық кеңес
Прокурорлар Сарапшылық кеңестің кино жобаларын объективті түрде іріктемегенін анықтады. Сонымен қатар, продюсерлер, режиссерлер, актерлер мен киностудиялардың құрылтайшыларының Сарапшылық кеңес мүшелері болған және кейіннен қаржыландыру алған фактілері де анықталды.
Жаза
Қала прокуратурасының қадағалау актісі бойынша ҚР Мәдениет және ақпарат министрлігі Мәдениет комитеті төрағасының орынбасары, сондай-ақ Ұлттық киноны қолдау мемлекеттік орталығы басқарма төрағасының орынбасары тәртіптік жауапкершілікке тартылды.
Сонымен қатар бұған дейін қазақстандық режиссер Ермек Тұрсынов неге кино түсірмейтінін және оның “Бесмойнақ” фильмі прокатқа неге шықпағанын түсіндірген еді.
