|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан сотталғандарды беру туралы тағы бір елмен келісім жасасты. Бұл жолы Қазақстан мен Марокко арасындағы ынтымақтастық нығая түсті: қылмыстық-құқықтық салада бірқатар келісімдерге қол қойылды, - деп хабарлайды Dauletten.kz.
Қазақстан Республикасының Бас Прокуроры Берік Асылов Марокко Корольдігіне жұмыс сапарымен барып, Әділет министрі Абдель Латиф Уахбимен келіссөздер жүргізді. Тараптар қылмыспен күрес, заңдылықты сақтау және халықаралық қауіпсіздікті қамтамасыз ету бағытындағы екіжақты ынтымақтастық мәселелерін талқылады.
- Кездесу нәтижесінде қылмыскерлерді экстрадициялау, қылмыстық істер бойынша құқықтық көмек көрсету және сотталғандарды беру туралы мемлекетаралық келісімдерге қол қойылды. Бас Прокурордың айтуынша, мұндай келісімдер Қазақстан үшін ерекше маңызға ие, себебі Марокко географиялық орналасуы бойынша Гибралтар бұғазы арқылы Африка мен Еуропаны байланыстыратын маңызды бағыт болып табылады, – делінген хабарламада.
Сондай-ақ, Берік Асылов Қазақстанның 12 жыл бұрын Мароккоға жақын орналасқан Испания Корольдігімен де осындай халықаралық келісімдер жасасқанын еске салды.
