Жаңалықтар

Қазақстан Ұлттық Банкі жаңа коллекциялық монеталарды айналымға шығарады

22.11.2024

мин

0

53

Сурет: ҚҰБ

Қазақстан Ұлттық Банкі "Қазақстанның мешіттері мен шіркеулері" сериясынан ASTANA QALASYNYŃ BAS MESHITI және "Сиқырлы нышандар" сериясынан FATIMA QOLY коллекциялық монеталарын айналысқа шығарады, - деп хабарлайды Dauletten.kz.

Бұл монеталарды ҚҰБ-тың ресми интернет-дүкені арқылы сатып алуға болады. ASTANA QALASYNYŃ BAS MESHITI монетасы 25 қарашадан бастап, ал FATIMA QOLY монетасы 28 қарашадан бастап сатылымға шығады.

ASTANA QALASYNYŃ BAS MESHITI коллекциялық монетасы

Бұл монета "Қазақстанның мешіттері мен шіркеулері" сериясын жалғастырады және 2022 жылы ашылған Астананың Бас мешітіне арналған. Бас мешіт Қазақстан мен Орталық Азиядағы ең ірі мешіт болып саналады. Монетада мешіттің көрнекті бейнесі мен мұсылманша сәлемдесуді білдіретін араб тіліндегі жазу бейнеленген.
    •    Материалы: 925 сынамды күміс
    •    Массасы: 31,1 грамм
    •    Диаметрі: 38,61 мм
    •    Номиналы: 1000 теңге
    •    Таралымы: 1000 дана

FATIMA QOLY коллекциялық монетасы

Бұл монета "Сиқырлы нышандар" сериясының алтыншы нұсқасы. Онда әртүрлі мәдениеттерде белгілі ашық алақан түріндегі қорғаныш тұмарының өрнектелген бейнесі бар.
    •    Материалы: 925 сынамды күміс
    •    Массасы: 31,1 грамм
    •    Диаметрі: 38,61 мм
    •    Технологиясы: эмаль жағу және алтын жалату, дайындау сапасы – antique silver
    •    Номиналы: 1000 теңге
    •    Таралымы: 3000 дана

Коллекциялық монеталар Қазақстан Республикасының аумағында заңды төлем құралы саналады. Олар номиналдық құны бойынша төлемдердің барлық түріне қабылданады, сондай-ақ елдің кез келген банкіне шотқа есепке алу, аудару, ұсақтау және айырбастау үшін жарамды.