|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
25 қыркүйек күні елімізде алғашқы АЭС-ке үздік атау беру бойынша жалпыхалықтық конкурс ресми түрде жарияланды, - деп хабарлайды Dauletten.kz.
Байқауға әрбір қазақстандық eGov Mobile мобильді қосымшасы арқылы қатыса алады. Қосымшаның басты бетінде "АЭС-ке атау ұсыныңыз" атты арнайы баннер орналастырылып, пайдаланушыларға конкурс басталғаны жөнінде push-хабарлама жолданған.
Атом энергиясы жөніндегі агенттіктің мәліметінше, бастаманың басты мақсаты – болашақ станцияға тарихи, мәдени және ұлттық құндылықтарды айқын бейнелейтін атау таңдау.
Қатысу үшін азаматтар:
• қазақ немесе орыс тілін таңдайды;
• өз нұсқасын енгізеді;
• атаудың мағынасын қысқаша сипаттай алады (міндетті емес);
• ресми қағидалармен танысқанын растайды.
Ұсыныстар 2025 жылғы 10 қазан сағат 23:59-ға дейін қабылданады. Конкурс ережелерімен Атом энергиясы жөніндегі агенттіктің ресми сайтынан және әлеуметтік желідегі парақшаларынан танысуға болады.
