|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
DEMOSCOPE экспресс-мониторинг бюросы Қазақстандағы көші-қонға қатысты көңіл-күйді зерттеп, сауалнама жүргізді. Зерттеу нәтижесінде респонденттердің әр бесіншісі елден көшу туралы ойланып жүргенін мәлімдеді, - деп хабарлайды Dauletten.kz.
Сауалнама 2024 жылдың 13-24 қарашасы аралығында өткізілген. Нәтижелер бойынша, қатысушылардың 21%-ы Қазақстаннан кетуді жоспарласа, олардың 6,9%-ы мұны алдағы 2-3 жылда жүзеге асырмақ. Көшуге негізгі себептер ретінде жалақының төмендігі, болашақтың белгісіздігі және сапалы білім мен жұмыс іздеуі аталған.
Көші-қонға қатысты көңіл-күй жастар мен орта жастағылар арасында басымырақ байқалған. 18-29 жас аралығындағы респонденттердің 25%-ы және 30-39 жас аралығындағы қатысушылардың 30%-ы шетелге кетуді қарастырып жүр.
– Респонденттердің басым бөлігі (83,7%) Қазақстанда туғаннан бері тұрып келеді, тағы 9,3%-ы 20 жылдан астам уақыт елде өмір сүрген. Ал 6,8%-ы Қазақстанда 20 жылдан аз уақыт тұрады, – деп атап өтті зерттеушілер.
Эмиграция үшін ең тартымды елдер ретінде АҚШ (7,7%), Ресей (6,2%), Еуропа елдері (5,1%), Түркия (4,6%) және Канада (2,6%) көрсетілген.
Респонденттер көшу себептерін төмендегідей түсіндірген:
Соған қарамастан, Қазақстанда көші-қонның оң балансы сақталуда. 2024 жылдың алғашқы үш тоқсанында елге 20 мыңнан астам адам көшіп келген. Алайда сауалнамаға қатысушылардың басым бөлігі (39,2%) алдағы 3-5 жылда білікті мамандардың елден кету деңгейі артады деп санайды.
– Респонденттердің пікірінше, таяудағы 3-5 жылда білікті кадрлардың шетелге кету үрдісі күшейе түседі, – деп қорытындылады сарапшылар.
Халық саны
Ұлттық статистика бюросының мәліметінше, 2024 жылдың қаңтар-қыркүйек айлары аралығындағы демографиялық жағдай бойынша, Қазақстан халқының саны 1 қазанда 20 223 218 адамды құрады. Оның ішінде қала тұрғындары – 12 704 977, ал ауыл тұрғындары – 7 518 241 адам. Тоғыз айда халық саны 189 376 адамға өскен. Осы кезеңде 278,7 мың бала дүниеге келсе, 99,5 мың адам қайтыс болған. Табиғи өсім 179,2 мың адамды құрады.
