|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда қыз алып қашу үшін жаңа жаза енгізілуі мүмкін. Мәжіліс кулуарында депутат Мұрат Әбенов бұл мәселе бойынша өзгерістер ұсынылғанын мәлімдеді, - деп хабарлайды Dauletten.kz.
Депутаттың айтуынша, заңға түзетулер енгізу жоспарланып отыр.
- Мен тиісті өзгерістерді ұсындым, қазір олар Қылмыстық, Қылмыстық-атқару және Қылмыстық-процестік кодекстерін оңтайландыру жөніндегі жұмыс тобында қаралып жатыр. Әртүрлі жауапкершілік шаралары қарастырылуда, оның ішінде қылмыстық жаза – бас бостандығынан айыру, айыппұлдар және қоғамдық жұмыстар, – деді Әбенов журналистерге берген сұхбатында.
Сонымен қатар, қыз алып қашқаны үшін 3 жылдан 5 жылға дейін бас бостандығынан айыру жазасын қарастыру ұсынылған.
- Егер бұл қылмыс бірнеше адаммен ұйымдасқан түрде жасалса, кәмелетке толмаған қызға қатысты болса немесе жәбірленушіге зиян келтірілсе, жаза 3 жылдан 5 жылға дейін бас бостандығынан айыруды қамтиды. Сондай-ақ, егер қыз еркінен тыс үйінде ұсталып, оған психологиялық немесе физикалық қысым көрсетілсе, заң оны қорғауға тиіс, – деп түйіндеді депутат.
