|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда қыркүйекте жылдық инфляция 8,3%, айлық инфляция 0,4% болды, - деп хабарлайды Dauletten.kz.
Баға өсімі тамыздағы көрсеткіштерден бәсеңдеген. Айлық инфляция өткен айдағы 0,6%-ға қарағанда 0,4%-ға дейін төмендеген.
Ұлттық статистика бюросының мәлімдеуінше, баға ақылы қызметтерге бір жылда 13,6% (тамызда – 13,6%), азық-түлік емес тауарларға – 7,6% (тамызда – 7,7%), азық-түлік тауарларына – 5,1% өскен (тамызда – 5,5%).
2023 жылғы қыркүйекпен салыстырғанда тарифтер орталықтан жылытуға – 33%, суық суға – 29,4%, су бұруға – 24%, электр энергиясына – 23,7%, қоқыс шығаруға – 18,1%, ыстық суға – 17,4%, тарату желілері бойынша тасымалданатын газға 12% қымбаттаған.
Тұрғын үйді жалға алу төлемі 12,3% көтерілген. Сондай-ақ байланыс қызметтеріне – 15%, қоғамдық тамақтандыру қызметтеріне – 9,3%, білім беру қызметтеріне 8,7% жоғарылаған. Жолаушылар үшін әуе көлігі билеттері – 16,8%, такси – 12,2%, қалалық автобус – 11,7%, теміржол көлігі қызметі 9,5% қымбаттаған.
Инфляция 11 өңірде республикалық орташа деңгейден асқан. Олардың ішінде ең жоғарысы – Астанада (10,3%), Маңғыстауда (9,8%) және Шығыс Қазақстан (9,2%) облысында қалыптасқан.
