|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде жаңа тұрғын үй бағасы екінші нарықтағы баспана бағасына қарағанда бір ай ішінде күрт қымбаттады.
Ұлттық статистика бюросының ақпаратына сүйенсек, 2021 жылғы мамырда жаңа тұрғын үйді сату бағасы сәуірмен салыстырғанда 2,6%-ке өсті. Жылжымайтын мүліктің орта есеппен шаршы метр үшін бағасы 335,5 мың теңгені құрады. Желтоқсан айымен салыстырғанда өсім 8,3%-ке, ал 2020 жылғы мамырмен салыстырғанда өсім 11,8%-ке жеткен.
Қайталама нарықтағы абаттандырылған баспана бағасы бір айда небәрі 0,9%-ке, бір шаршы метр үшін 264,1 мың теңгеге дейін қымбаттады. 2020 жылғы желтоқсанмен салыстырғанда баға 13,3%-ке, ал 2020 жылғы мамырмен салыстырғанда 24,2%-ке өсті.
Баспананы жалдау ақысы бір айда 0,7%-ке, бір шаршы метр үшін 1,7 мың теңгеге дейін қымбаттады. Жылдық өсім 11,2%-ті құрады.
