| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
16 қарашада Қазақстанның басым бөлігінде жауын-шашын күтіледі. Аптаның алғашқы күні кей өңірлерде жаңбыр қарға ұласып, жолдарда көктайғақ қалыптасуы мүмкін. Сондай-ақ тұман түсіп, жел күшейеді, - деп хабарлайды Dauletten.kz.
«Қазгидромет» мәліметінше, бүгін әсіресе Батыс Қазақстан облысында ауа райы қолайсыз болады. Өңірде жаңбыр мен қар түрінде қатты жауын-шашын болжанған. Жалпы республика аумағында жел күшейіп, түнгі және таңғы уақытта тұман түсуі ықтимал.
Ауа температурасы да өңірлерге қарай әртүрлі болады. Батыс Қазақстанда күндіз 1–8 градус жылы болса, солтүстік-батыста ауа температурасы 4–11 градусқа дейін көтеріледі. Ал солтүстік облыстарда күндіз 0–5 градус жылы болуы мүмкін.
Еліміздің орталық бөлігінде түнде 2–10 градус аяз күтіледі. Күндіз ауа температурасы 3 градус аяз бен 5 градус жылылық аралығында өзгереді. Шығыс өңірлерде суық күшейіп, түнгі температура 6–13 градус аязға дейін төмендейді.
Оңтүстікте күн салыстырмалы түрде жылы болады. Мұнда күндіз ауа температурасы 7–15 градусқа дейін жетеді. Ал оңтүстік-шығыстың таулы аудандарында түнде 13–18 градус аяз болжанып отыр.
Синоптиктердің мәліметінше, Қызылорда облысында жауын-шашынсыз ауа райы сақталады.
Ауа райының қолайсыздығына байланысты тұрғындарға жолға шығарда метеорологиялық болжамды ескеру ұсынылады. Әсіресе, көктайғақ пен тұман кезінде жүргізушілердің сақ болғаны маңызды.