|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда салынатын алғашқы атом электр станциясының құрылысы шамамен 7 жылға созылады. Бұл туралы Атом энергиясы агенттігінің төрағасы Алмасадам Сәтқалиев мәлімдеді, - деп хабарлайды Dauletten.kz.
Парламент палаталарының бірлескен отырысы барысында Сәтқалиев АЭС құрылысының аяқталу мерзіміне қатысты болжаммен бөлісті.
- Конкурс шарттарына сәйкес, құрылыс алаңына шыққан күннен бастап жобаға шамамен 7 жыл қажет болады, – деді агенттік басшысы.
Сондай-ақ ол Қазақстан мен Ресей арасында алғашқы атом электр станциясына қатысты үкіметаралық келісімді 2025 жылдың соңына дейін жасау жоспарланып отырғанын атап өтті.
- Біз бұл келісімді жыл соңына дейін бекітуді көздеп отырмыз, – деді Сәтқалиев.
Оның айтуынша, болашақ АЭС жобасының нақты құны әлі анықталмаған. Қазіргі таңда тек жеткізушілер ұсынған алдын ала есептеулер бар.
- Құны техникалық-экономикалық негіздеме аясында нақтыланады. Қазір бізде конкурстық рәсімдер шеңберінде вендорлар ұсынған жобалық параметрлер ғана бар. Бірақ оларды жариялау мүмкін емес – бұл ақпарат құпиялылық келісімдерімен қорғалған. Дегенмен, әлемдік тәжірибеге сүйенсек, мұндай станциялардың бағасы кемінде 14 миллиард долларды құрайды, – деді ол.
