|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандықтар 8 тоннаға жуық алтын сатып алды. 2017 жылы іске қосылған тазартылған алтын құймаларды сату және сатып алу бағдарламасы басталғалы бері шамамен 8 тонна өнім сатылған, – деп хабарлайды Dauletten.kz ҚР Ұлттық банкінің баспасөз қызметіне сілтеме жасап.
- ҚР Ұлттық банкі 2024 жылдың қорытындысы бойынша екінші деңгейлі банктер мен банктік емес жекелеген айырбастау пункттеріне жалпы салмағы 1,7 тонна болатын 47 395 өлшемді құйма сатты, – делінген хабарламада.
2024 жылы алтын құймалары ең көп сатылған өңірлер:
• Алматы – 32 735 дана (69%)
• Шымкент – 5 200 дана (11%)
• Қарағанды – 2 209 дана (5%)
Осылайша, 2024 жылы екінші деңгейлі банктер мен банктік емес айырбастау пункттері кері сатып алуды ескергенде, халыққа жалпы салмағы 2,5 тонна болатын 71 106 құйма сатқан. Бағдарлама іске қосылғаннан бері барлығы 7,9 тонна алтын құймасы (222 680 дана) сатылған.
Сатып алушылар арасында ең танымал құйма – 10 грамдық, оның сатылымдағы үлесі 25% немесе 54 875 дана. Сондай-ақ 5 грамдық құйма – 49 145 дана (22%), 100 грамдық – 47 943 дана (22%), 20 грамдық – 40 843 дана (18%) және 50 грамдық – 29 874 дана (13%) сатылған.
