|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандықтар "әлеуметтік әмиян" арқылы әлеуметтік көмек алады, - деп хабарлайды Dauletten.kz.
Мәжіліс қабылдаған "Пошта туралы" заңға енгізілген түзетулер жаңа цифрлық жүйені – әлеуметтік әмиянды енгізуді реттейді. Ол жеке тұлғаларға мемлекеттік қолдау көрсету шараларын іске асыруға арналған. Пилоттық режимде әлеуметтік әмиян қазірдің өзінде елдегі 2000 мектепте оқушылардың ыстық тамағына жұмсалған шығындарды өтеу үшін жұмыс істейді, оған емханалар жанындағы дәріханалар қосылған, тұрмыстық газ құнын субсидиялау механизмі сынақтан өткізілуде.
Түзетулер күшіне енгеннен кейін мемлекеттік қолдаудың барлық шаралары осы жүйе арқылы жүзеге асырылады. Бұл ваучерлік қолдау жүйесін іске асыруға, көмектің атаулы болуын және оның ашықтығын қамтамасыз етуге мүмкіндік береді.
Сондай-ақ, заң нормаларына сәйкес кеден брокері жобасының пилоттық кезеңі ұзартылды. Бұл – халықаралық сауда алаңдарынан тауар сатып алу кезінде пайдаланушыларға кедендік рәсімдерді үйден шықпай-ақ, пошта операторы ретіндегі кеден брокері арқылы жүзеге асыруға мүмкіндік беретін цифрлық құрал.
