|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан Ұлттық банкі Қазастаннан ақша қай елдерге жиі жіберілетінін айтты, деп хабарлайды Dauletten.kz.
Жіберілген аударымдар бойынша алғашқы бестікке Грузия, Қырғызстан, Ресей, Түркия, Өзбекстан кірді.
Ал алынған трансферттер бойынша 5 елдің көш басында Оңтүстік Корея тұр, одан кейін АҚШ, Өзбекстан, Қырғызстан, ең соңында Ресей рейтингті жапты.
Ұлттық банктің мәліметінше, 2022 жылы Халықаралық ақша аудару жүйелері (ХААЖ) арқылы жүзеге асырылған ақша аударымдарының жалпы көлемі - 1,8 трлн теңге. 2021 жылмен салыстырғанда операциялардың 32,7% өскені байқалады.
«Транзакциялардың негізгі үлесі, яғни 94,7%-ы - Қазақстан мен басқа елдер арасындағы трансшекаралық ақша аударымдары. 2022 жылға шетелге жіберілген және шетелден алынған ақша аударымдарының орташа сомасы шамамен бірдей: сәйкесінше 415 мың теңге және 413 мың теңге», - деп мәлімдеме жасады ҚҰБ баспасөз қызметі.
Сонымен қатар, 2022 жылы Қазақстанда ақша аударымдарының көлемі 34,6% өскені айтылды. ХААЖ арқылы бір жергілікті ақша аударымының орташа сомасы 178,8 мың теңге болды. Бұл 2021 жылдың көрсеткішінен 58,0% артық.
фото: sputnik.kz
