|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін, 19 наурыздан бастап, Қазақстан мен Марокко үкіметтері арасындағы визалық талаптардан өзара босату туралы келісім күшіне енді. Енді қазақстандықтар Мароккоға визасыз бара алады, - деп хабарлайды Dauletten.kz еліміздің Сыртқы істер министрлігіне сілтеме жасап.
- Қазақстанның Сыртқы істер министрлігі отандастарымыздың еркін саяхаттауына жағдай жасау мақсатында шетелдік серіктестермен визалық режимді жеңілдету бойынша жұмыс жүргізіп келеді. Осыған орай, 2025 жылғы 19 наурыздан бастап Қазақстан Республикасы мен Марокко Корольдігі үкіметтері арасында визалық талаптардан өзара босату туралы келісім күшіне енді. Бұл келісімге сәйкес, екі елдің ұлттық паспорт иелері әрбір 6 ай ішінде (ел аумағына кірген күннен бастап есептеледі) визасыз 30 күнге дейін бола алады. Бұл жаңашылдық туристік, іскерлік және мәдени байланыстардың дамуына жол ашады, — делінген министрлік хабарламасында.
Сонымен қатар, Черногория билігі Қазақстан азаматтары үшін визасыз режимді 2025 жылғы 31 желтоқсанға дейін ұзартты. Бұдан бөлек, Оман Сұлтандығының Сыртқы істер министрлігі де Қазақстан азаматтарына визасыз кіру мерзімін 30 күнге дейін ұзартқанын мәлімдеді, ал бұған дейін бұл мерзім 14 күн болатын.
Алайда, СІМ өкілдері визасыз режимнің еңбек қызметі, білім алу және тұрақты тұру үшін қолданылмайтынын еске салды.
