|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандықтар “Келешек” жүйесі арқылы балаларының білім алуына қаражат жинай алады, - деп хабарлайды Dauletten.kz.
13 қарашада өткен Мәжіліс отырысында “Келешек” бірыңғай ерікті жинақтау жүйесі талқыланды. Бұл жүйе арқылы ата-аналар балалардың болашақ білім шығындарын қаржыландыру үшін қаражат жинақтай алады.
“Келешектің” моделі Мемлекеттік білім беру жинақтау жүйесінің қолданыстағы платформасы негізінде іске асырылатын болады. Ата-аналар кез келген банкте немесе өмірді сақтандыру компаниясында балаларының атына шот ашуға құқылы. Жасы 5-тен асқан балалар үшін мемлекет бюджеттен 60 АЕК, ал жетім балалар үшін 120 АЕК көлемінде бастапқы білім беру капиталы ретінде біржолғы төлем береді.
Сонымен қатар, ата-аналар жыл сайынғы ең төменгі жарнаны енгізуге міндетті. Бұл жарна әлеуметтік осал топтардан шыққан балалар үшін 12 АЕК, қалғандары үшін 24 АЕК көлемінде белгіленген.
Жинақталған қаражат әрбір бала үшін 5 пайыз, ал әлеуметтік осал топтағы балалар үшін 7 пайыз көлемінде өсіммен толықтырылады. Сонымен қатар, банктің немесе сақтандыру компаниясының пайыздық табысынан жыл сайынғы мемлекеттік сыйлықақы қарастырылған. Ең төменгі жылдық жарна төленбеген жағдайда бастапқы капитал бюджетке қайтарылады.
Жинақталған қаражатты Қазақстандағы немесе шетелдегі колледждер мен университеттерде білім алу үшін пайдалануға болады. Егер мемлекеттік білім грантына ие болсаңыз, жинақты басқа білім деңгейіне жұмсауға, үшінші тұлғаның депозитіне немесе сақтандыру шартына аударуға, капиталдандырылған сыйақымен бірге алуға немесе заңнамаға сәйкес тұрғын үй жағдайын жақсартуға бағыттауға мүмкіндік бар.
