|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде тұтынушылық несие көлемі өсуде, деп хабарлайды Dauletten.kz.
Ұлттық банктің мәліметіне сүйенсек, 2021 жылғы 1 сәуірдегі жағдай бойынша банктер жеке тұлғаларға 4,5 трлн теңгеге тұтынушылық несие берген. Ал 2016 жылдың сәуір айында бұл сома шамамен 2,5 трлн теңгені құраған. Осылайша, бес жыл ішінде көлем 2 трлн теңгеден асты, яғни тұтынушылық несие көлемі 80%-ке өскен.
Несиенің ең көп мөлшерін алматылықтар рәсімдеген. Алматы қаласы бойынша қарыз 1,2 трлн теңгеге жетті. Бес жыл ішінде бұл сома 17,6%-ке өсті (2016 жылы - 1,02 трлн теңге).
Нұр-Сұлтан қаласында 440 млрд теңгеден астам (+128%) және Шымкентте 355 млрд теңгеге (+122,3%) несие алынған. Сондай – ақ, Қарағанды облысында тұтынушылық несиелер көлемі 327 млрд теңгеге дейін (+128,6%) және ШҚО-да 258 млрд теңгеге дейін (+105,3%) өсті.
Ең аз тұтынушылық несие Қостанай облысында - 133,2 млрд теңге, БҚО-да - 133,4 млрд теңге, Ақмола қаласында - 99 млрд теңгеден астам және Түркістан облысында - 64,6 млрд теңге берілді.
